ຣັດເຊຍຈະຟື້ນຟູການຜະລິດນ້ຳມັນເຊື້ອໄຟ ໃຫ້ສູ່ລະດັບປົກກະຕິ
ສຳນັກຂ່າວຟອກສນິວ ລາຍງານໃນວັນທີ 7 ມີນານີ້ວ່າ: ທະນາຄານ ເຈ ພີ ມໍແກນ (J.P.Morgan) ທີ່ເປັນສະຖາບັນບໍລິການດ້ານການເງິນຂອງອາເມຣິ
ກາ ໄດ້ເຜີຍແຜ່ບົດລາຍງານການປະເມີນໃນຫວ່າງບໍ່ດົນມານີ້ໂດຍເຫັນວ່າ: ເຖິງວ່າປະເທດຕາເວັນຕົກໄດ້ປະຕິບັດມາດຕະການລົງໂທດທີ່ແນໃສ່ດ້ານພະລັງ
ງານເຊື້ອໄຟຂອງຣັດເຊຍຫຼາຍຮອບ, ສົ່ງຜົນເຮັດໃຫ້ການສົ່ງອອກນ້ຳມັນຂອງຣັດເຊຍທີ່ມີຕໍ່ເອີຣົບນັ້ນຫຼຸດໜ້ອຍລົງກໍຕາມ, ແຕ່ເນື່ອງຈາກວ່າຄວາມຕ້ອງ
ການຢູ່ພາກພື້ນອາຊີເພີ່ມຂຶ້ນ ຈຶ່ງເຮັດໃຫ້ການສົ່ງອອກນ້ຳມັນເຊື້ອໄຟຂອງຣັດເຊຍບໍ່ໄດ້ຮັບຜົນກະທົບຫຼາຍປານໃດ. ໃນເດືອນມິຖຸນາປີນີ້, ຣັດເຊຍຈະສາ ມາດຟື້ນຟູປະລິມານການຜະລິດນ້ຳມັນເຊື້ອໄຟ ໃຫ້ກັບຄືນສູ່ສະພາບປົກກະຕິຄືກັບໄລຍະກ່ອນເກີດການປະທະກັນລະຫວ່າງຣັດເຊຍ-ອູແກຣນ ທີ່ສາມາດຜະ
ລິດນ້ຳມັນເຊື້ອໄຟໄດ້ 10.800.000 ບາເຣນຕໍ່ມື້. ນັບແຕ່ຕົ້ນເດືອນກຸມພາປີນີ້, ສະຫະພາບເອີຣົບ ແລະ G7 ໄດ້ປະຕິບັດມາດຕະການຈຳກັດລາຄານ້ຳ
ມັນເຊື້ອໄຟຂອງຣັດເຊຍ ທີ່ສົ່ງອອກຜ່ານການຂົນສົ່ງທາງເຮືອໃຫ້ຢູ່ໃນລະດັບ 60 ໂດລາຕໍ່ບາເຣນ, ສ່ວນຝ່າຍຣັດເຊຍ ໄດ້ປະກາດຫຼຸດປະລິມານການຜະລິດ
ນ້ຳມັນເຊື້ອໄຟໃນຈຳນວນ 500.000 ບາເຣນຕໍ່ມື້ໃນເດືອນມິນານີ້, ເທົ່າກັບ 5% ຂອງຍອດປະລິມານການຜະລິດນ້ຳມັນເຊື້ອໄຟທັງໝົດຂອງຣັດເຊຍ,
ເພື່ອຕອບໂຕ້ຕໍ່ມາດຕະການຈຳກັດລາຄານ້ຳມັນເຊື້ອໄຟຂອງປະເທດຕາເວັນຕົກ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/03/2023